Imanol Landaren bloga

Areetako moilan 20 informazio panelek “Getxoko Etxe Handien pasealekua” izeneko ibilbidea irudiztatuko dute

noreply@blogger.com (Imanol Landa) — Mon, 08 Mar 2010 11:51:00 +0000

Ondare arkitektonikoa eta kulturala deskribatzen duen ibilbide autogidatua da

Areetako Moilan zehar “Getxoko Etxe Handien pasealekua” izeneko ibilbide arkitektonikoa irudizkatzen duten 20 informazio panel jarri ditugu. Historialari bat prestatzen ari den udalerria zeharkatuko dituzten zazpi ibilbide turistiko-kulturalaren proiektuaren lehenengo ekimena da hau. Gainontzeko guztiak udaren hasieran aurkeztuko dira.

Ibilbide sare honen azken helburua da Getxoko ondare arkitektonikoari balio handiagoa eman, aberastasun handikoak izanik bakarka erakartzeko ahalmen nahikorik ez duten elementuek osatutako baliabidea dela. Halere, batera, ordenatuta eta gaika sailkatuta, produktu turistiko erakargarri, sustagarri eta merkaturagarriak izan daitezke, “Getxoko Etxe Handien pasealekua” bezalakoak.

“Getxoko Etxe Handien pasealekua”, hartara, 20 panelek seinaleztatutako ibilbide autogidatua da, bi irudiekin, nagusi batekin eta bigarren mailako beste batekin (eskuz egindako urmargoak) osatuta, eta panelaren elementu protagonistari buruz 3 hizkuntzatan (euskaraz, gazteleraz eta ingleraz) idatzitako interpretatzeko testu batekin lagunduta daudela. Ekimen hau sustatzeko informazio foileto baten 5.000 ale argitaratu dira.

Panelak Getxoko arkitekturari buruzkoak dira: estiloak eta protagonistak; Etxe Handiak; Cisco, Cisco II eta Cisco III etxeak; Kaiertza; Kaialde; Ariatza Etxea; Bidearte; Itsas begi; Amandrerena; Real Club Marítimo del Abra- Real Sporting Club; ABCD Etxea; Kai Gane; Cristina Etxea; garaiko gizartearen testuingurua; Areetako hondartza; Getxoko Historia; Evaristo de Churruca eta Evaristo de Churrucaren monumentua.

Ibilbideak Churrucaren moilan eta Bola hondartzan dauka hasiera eta bukaera bereizgabea, eta bidean elementu erakusgarriak irudiztatzen ditu, batez ere, jauregiak, etxeak eta monumentuak, Areeta auzoko garai ospetsuenenetako garaikoak (XIXgarren amaierakoak eta XXgarren hasierakoak).

Etorkizunari begira, eta ekimen honen arrakasta ikusita, bigarren fase bat planteatuko da, oraingo honetan Atxekolandetako etxeei buruzkoa, berriro ibilbide turistiko-kulturalak oinarritzat hartuta, jada “Getxoko Etxe Handien pasealekua” honen lehen zatiaren ganeko informazioa biltzeko balioa izan duena.

Gobelako liburutegiak ateak zabaldu ditu

noreply@blogger.com (Imanol Landa) — Mon, 08 Mar 2010 11:37:00 +0000

Aste honetan Gobelako liburutegia ireki da, orain arte Erromoko eta Areetako liburutegietako zerbitzua hartzeko, bi leku horietan lanak hasiko dira eta. Guztira, areto berriak 400 metro koadroko azalera izango du; helduentzako 46 eserleku izango ditu eta beste 28 haurrentzako gunean. Gainera, azken gune horretan irakurtzeko txoko bat ere egongo da.

Liburutegiko bildumari dagokionez, 25.000 ale izango ditu, mediatekaren materiala barne (DVDak, bideoak, CDak…). Halaber, erakustoki-gune bat ere egongo da liburutegian, nobedadeak eta gaika hautatutako liburu-sortak ezagutzera emateko.

Irakurri eta ikasteaz gain, beste jarduera batzuk ere egin ahal izango dira liburutegian. Horrela, irakurketa klubaren tailerra bertantxe egingo da. Ekimen horren bidez, parte-hartzaileek, koordinatzaile batek gidatuta, irakurketaren esperientziak partekatu, obrak aztertu eta egileak ikasi eta, azken batean, irakurketen ulermen osoago batez gozatu ahal izango dute. Halaber, etorkizunean ipuin kontaketa saioak ere egiteko aukera dago liburutegian.

Gobelako liburutegiaren irekierakin batera Getxoko liburutegiek beren ordutegiak zabalduko dituzte martxoan hasita. San Nikolaseko liburutegiak eta Gobelako helduentzako gelak etengabeko ordutegia izango dute, 8:30etik 20:30era, astelehenetik ostiralera. Larunbatean, ohiko ordutegia mantenduko da, 9:00etatik 13:00era. Ordutegien luzatzea Horiek horrela, aurtengo ordutegiak %35eko gehikuntza izango du iazkoaren aldean.

Getxo Antzokitik berriak 2

noreply@blogger.com (Imanol Landa) — Mon, 08 Mar 2010 11:24:00 +0000

PDF fitxategiaren deskarga Getxo Antzokiko informazio guztiarekin 2.

Kirol campusak Aste Santuan (Gurasoentzako informazio interesantea)

noreply@blogger.com (Imanol Landa) — Mon, 08 Mar 2010 10:18:00 +0000

Datorren Aste Santuan, gabonetan egin zuten bezala, hainbat klubek, Getxo Kirolak-ekin elkarlanean, gimnasia erritmiko, eskubaloi, errugbi eta saskibaloi campusak antolatuko dituzte udalerriko umeentzako.

Saskibaloia
Getxo Saskibaloia Taldeak campusa antolatu du apirilaren 6, 7, 8 eta 9rako, Gobelako kiroldegian 09:00etatik 14:00etara. Kirol anitz praktikatzeko aukera izango dute 4 eta 11 urte arteko umeek. Saskigetxo ikastaroan psikomotrizitatea, patinajea, saskibaloia, dantza eta igeriketa egiteko aukera izango dute. Lau eguneko ikastaroak 55 euroko salneurria du (hamaiketakoa barne); egun bakarrerako izena eman nahi izanez gero 15 euro ordainduko da. Inskripzioa egiteko deitu 662 940 474 edo 662 940 436 telefonoetara; bestela, www.getxosaski.com web orriaren bitartez.

Errugbia
Getxo Rugby Taldeak ere campusa antolatuko du apirilaren 6, 7, 8 eta 9an 09:00etatik 14:00etara arte, Fadurako errugbi zelaian eta kiroldegiko frontoietan. Errugbiari lotutako ariketak eta jolasak ingelesez praktikatzeaz gain, osasunari, elikadurari,... buruzko hitzaldiak emango dira. Prezioa 80 eurokoa da (60 euro, Getxo Kirolak-eko bazkidea izanez gero). Izena emateko: 94 491 39 65 tel. edo getxorugby@getxorugby.org

Gimnasia erritmikoa
Getxoko Gimnasia Erritmikoko Klubak martxoaren 29, 30 eta 31an antolatuko ditu kirol honi lotuta hainbat ekitaldi 10:30etatik 13:30etara Fadurako kiroldegian. Jolasaren bidez gimnastika erritmikoa guztien esku jarri nahi du. Argibideak: intxaurragari@hotmail.com-en edo, bestela, deitu 665 73 35 57 zenbakira. Izena emateak 40 euroko salneurria du, 20 eurokoa klubeko bazkidea izanez gero.

Eskubaloia
Martxoaren 29, 30 eta 31an, 08:45etatik 14:00etan, 6 eta 14 urtekoentzat egingo da campusa Gobelako kiroldegian. Bertan eskubaloia ardatz duten ariketak zein jolasak praktikatzeko aukera izango da, baita igerilekua erabiltzeko ere. Getxo Kirolak-eko edo klubeko bazkideek 50 euroko prezioa ordaindu beharko dute; beste guztiek 60 euro. Informazio gehiago: 94 608 18 88 zenbakian edo, clubbalonmanoromo@euskalnet.net-en.

Areetako Moilako pasealekua, erakargarri, moderno eta atseginagoa geratu da

noreply@blogger.com (Imanol Landa) — Thu, 04 Mar 2010 10:48:00 +0000

Areetako moila, bertako urbanizazio lanak amaitu eta gero, itxura erakargarri, moderno, atsegin eta ikusgarriagoa dauka bertatik ibiltzen diren guztientzat, ibiltari zein bisitarientzat.

Bizkaiko pasealekurik erabilienetakoa da, Getxoko pasealeku nagusiena, udalerriko irudi eta posta txartela, eta hobetu egin dugu bertan argiztapen berria eta kalitate handiko hiri hornigarriak ipiniz, hesi arkitektonikoak kentzearekin batera.

Pasealekuan zehar 99 kale-argi kokatu dituzte eta beste 3 farola berezi Areetako hondartza argiz apaintzeko.

Baina, moian egin den erreforma lanik ikusgarriena jarritako argiztapen berezia da, izan ere, munea ere goitik behera uraren azaleraino argiztatzeko lanak hilabete honetan bertan esleituko baitira. Argi horiek udaldirako biztuko dira ziurrenera. Gauez, ur gaina eta inguruko etxeak nabarmenduko dituzte.

Urbanizatu dugun pasealekuaren luzera, guztira,1.500 metro luzerakoa da, Txurrukako monumentutik La Bola hondartzarainoko tartean, eta bertan egindako lanei esker 6,5mko zabalera duen oinezkoen guneko zoladura zaharberritu da, baita 3m zabalerako bidegorriarena –oinezkoen gunea eta bidegorriarena maila berean utziz- eta oinezkoen atseden gunekoa ere barriztu egin da, kalitate handiko 51 banku ipiniz.

Lanak, urte erdiz egin dira, eta 2.300.000 euroko inbertsioa suposatu dute.

Areetako Urkijo kalea oinezkoentzako

noreply@blogger.com (Imanol Landa) — Mon, 01 Mar 2010 13:31:00 +0000

Getxo antzokia: PPren proposamena Getxoren etorkizun kultural eta ekonomikoaren aurka

noreply@blogger.com (Imanol Landa) — Thu, 25 Feb 2010 14:28:00 +0000

Familia ugarientzat onartutako dirulaguntzen zenbatekoa bikoiztuko dugu aurten

noreply@blogger.com (Imanol Landa) — Thu, 25 Feb 2010 14:10:00 +0000

Informazio gehiago: getxo.net

Agirre lehendakariaren webgunearen aurkezpena

noreply@blogger.com (Imanol Landa) — Wed, 24 Feb 2010 09:08:00 +0000

www.lehendakariagirre.eu orriak informazio oparo eta zabala ipintzen du, Jose Antonio Agirre lehendakariaren ibilbidea, jaio zenetik eta heriotzara arte, ezagutu nahi duenaren eskueran; informazio hori testu-dokumentu eta ikus-entzunezko (argazkiak, filmak eta soinu-grabazioak) askotan dago bilduta. Milatik gora dokumentu on-line, Lehendakariaren jendaurreko solasaldi eta hitzaldiak, kazeta-artikuluak, adierazpenak, mintzaldiak, egunkariak, liburuak, hitzaurreak, mezuak eta abar dituztelarik, eta horiei guztiei erantsi behar zaizkie Europako eta Amerikako argitalpenetako ehunka prentsa-ebakin, zeintzuek Jose Antonio Agirreren irudia eta jarduerak erakusten dizkiguten, munduan zehar egin zituen bidaietan.

Agirre lehendakariaren biografia hiru ataletan banatu da: haurtzaroa eta gaztaroa (1904-1930); alkatea eta diputatua (1931-1936), eta hiruretan luzeena, euskaldunen lehendakaria izan zen aldia (1936-1960), berori ere, aldi berean, honela banatuta: gerra, erbestaldia, jazarpena, Amerika, Europa berria eta itxaropenaren azkena.

Sailkapen horren bidez, erabiltzaileak erraz jakin ahalko ditu Agirreren bizitzako epealdi zehatz bateko mugarri nahiz gertakaririk nabarmenenak, mugarri horiei atxikitako testuzko nahiz ikus-entzunezko hainbat baliabide ikusiz nahiz entzunez. Nabigazioa erakargarriagoa eta interaktiboagoa gertatzen da, une oro Agirreren beraren irudia dugulako lagun. Era berean, erabiltzaileak argazkiak hautatzeko aukera ere izango du, eta are adierazitako aldi kronologikoei dagozkien museo-piezak ere.

Orriaren hasieran, eta behin hizkuntza (euskara, gaztelania, ingelesa edo frantsesa) aukeratutakoan, aurkezpen-bideo batek Jose Antonio Agirreren bizitzan eta nortasunean sartuko gaitu. Ondoren, internautak gehien interesatzen, edo deigarri egin, zaionera jo dezake: haren egunkari eskuz idatziak, biografiako datuak, pentsamolde politikoa, haren ahotsa entzun, edo bera ikusi ere bai: Caracaseko Eusko Etxearen inaugurazioan, orain dela 60 urte —koloreetan, gainera—.

Agirre lehendakariak Gernikatik New Yorkera Berlinen barrena egindako bidaian, naziei ihesi, bizi izan zituen gorabehera eta pasadizoetan oinarrituta sortu den animazioa ere baliabide deigarria izango da, eta beti egongo da eskueran ikus-entzunezkoen ataletik.

Gainera, lehendakariagirre.eu orriak beste urrats bat egiten du bere edukiak ezagutarazteko, eta ez da informazio historikoa dakarren web orri hutsean geratzen, ezpada ze, eduki horiek beroriek gaurkotasunik bizienarekin ere erlazionatu nahi ditu, gizarte-webeko zenbait plataformatan ere egongo baita. “Lehendakari Agirre”k helbideak ditu twitter, flickr, facebook eta youtuben, eta horien bitartez hornituko zaio komunitate birtualari, 2010ean, Jose Antonio Agirre omentzeko, egingo diren kultur ekitaldien gaineko informazio guztia. Erantsiko diren material berriek, jolasek, iritziek edota iruzkinek dinamismo handiagoa emango diote Agirre historikoari.

Gertakari horien guztien egunez egunekoa web orriko bertako Albisteak atalean jakin ahalko da; gero haiek zabaldu eta ezagutarazi egingo dira, eta erabiltzaileek igo eta bozkatu egin ahalko dituzte albisteak sustatzeko web partaide hauetan: “aupatu”, “sustatu” eta “Menéame”.

Lehendakari Agirre honako helbide hauetan egongo da:

http://twitter.com/Agirrelendakari

http://www.flickr.com/photos/al50agirre

http://www.youtube.com/user/lehendakariagirre

http://www.facebook.com/group.php?gid=281733046053 (bila gaitzazu Facebook-en eta egin zaitez gure lagun!)

Gizarte Zerbitzuek Andra Marin irekiko dute egoitza berria asteazkenean

noreply@blogger.com (Imanol Landa) — Mon, 22 Feb 2010 15:12:00 +0000

Gizarte Zerbitzuen sailak Andra Mariko Urduña kalean edukiko duen egoitza berria etzi, asteazkenean, otsailaren 24ean hasiko da herritarrak atenditzen, gaur goizean bere aurkezpenean ezagutzera eman dugunez. Urduña kaleko 16 zenbakian dago kokatuta eta Andra Mariko 15.000 bat bizilaguni emango die zerbitzua, bertan burututako zaharberritze lanak amaitu ondoren.
Inaugurazio berri hau duela bi hilabete, joan den abenduan, Algortako eta Neguriko herritarrak antenditzeko Urgull kalean, Algortako azokaren arurean, zabaldutako egoitzaren irekieraren ondoren heldu da. Aurretik Romoko egoitza ere jarri zen martxan.
Tokiz aldatzearekin orain arte Martikoena kaleko udal egoitzan eskaintzen zituzten zerbitzuak Andra Mariko herritarrengana hurbiltzeaz gain, Udala aurrera eramaten ari den eta Gizarte Zerbitzuen Legeak eskatzen duen deszentralizazio, modernizazio eta hurbilpen prozesua ere aurrera egiten da, herritarren zerbitzurako martxan jartzen diren mota honetako proiektuak Getxon bultzatzen ari garen modernizazio prozesuko partea ere direlako eta ez soilik proiektu handiak Getxo Antzokia berria, Kultur Etxea edo metroaren lurperatzea bezalakoak.
Horrekin batera, zerbitzuaren hobekuntza ekarriko du, baliabideen optimizazioari esker. Oso beharrezkoak eta eskatuak diren mota honetako egoitzak Gizarte Zerbitzuen Euskal Sistema Publikorako atea izaten dira.

Lanak eta zerbitzuak
Zaharberritze lanek joan den udaren amaieran hasi ziren eta 103 metro koadroko azalaren gainean burutu dituzte. 5 bulego, harrera eta administrazio gunea eta itxarote gela ditu egoitzak eta bertan 5 lagunek egingo dute lan “erabiltzaileei arreta zuzena eskaintzeko, besteak beste, informazio, orientazio eta ahalkularitza zerbitzua, diagnostikoak egitea, diru laguntzak (OE, GLL, AEL), familia eta gazteekin gizarte alorrean esku-hartzeko zerbitzua, etxez etxeko laguntza zerbitzua eta abar.“ azaldu du Elena Coriak, Gizarte Zerbitzuen saileko zinegotzi arduradunak azaldu duenez. Harremanetan jartzeko telefono zenbakia 94 466 01 30 da.
Egoitza berriaren inbertsioa 238.000€koa izan da eta horietatik 230.000 euro lanak egiteko izan dira eta 8.000€ altxairuetarako eta ekipamendurako.

“Urte alaiak” elkartea
“Getxoko Andra Mari Nagusien elkartea-Urte Alaiak” pertsona nagusien egoitza (Gizarte Zerbitzuen bulegoaren ondoan dagoena) gestionatzen duen taldeak oso positibotzat jo du zaharberritzea berarentzat ere onurak ekarriko dituelako, hemendik aurrera bere jardueretako batzuk egiteko erabilera anitzeko gela edukiko baitu. Elkarteak astialdierako jarduerak antolatzen ditu Udalarrekin sinatuta duen hitzarmen baten bitartez. Horri esker 2009an 3.000€ jaso zituen. Bere ekitaldien artean hainbat txapelketa, bingo, yoga, tai-chi, tailerrak, hitzaldiak eta txangoak daude. Elkarteko ordezkariek oso pozik agertu dira erreformarekin beren jarduerak hobetu aurrera eraman ahal izatea ahalbidetuko baitu, euren hitzetan.

BiscayTIK proiektua: aurkezpena Getxon

noreply@blogger.com (Imanol Landa) — Tue, 16 Feb 2010 12:38:00 +0000

Bizkaiko Foru Aldundiak Getxo udalerria aukeratu du BiscayTIK Fundazioaren egoitza eta proiektuan parte hartzen duten enpresen mintegia jartzeko, Bake Eder eraikinaren lurzatian, eta Informazioaren eta Ezagutzaren Teknologia Berrien sektorean espezializatutako enpresen Elkartegia jartzeko, Areetako merkatu zaharrean.
Bake Eder eraikinean “Be My Gov” Zentro Teknologikoaren instalazioak jarriko dira, eta, batez ere, administrazio elektronikoaren alorra landuko da. BiscayTIK proiektuaren garapenean laguntzen duen Microsoft enpresarekin lankidetzan jarri da martxan zentroa eta administrazio elektronikoaren arloan mundu-mailako erreferentzia izatea da asmoa.
Zentroaren helburuetako bat Bizkairako aberastasuna sortuko duen agentea izatea da. Aberastasunak ez du diru-sarrerak edukitzea edo enplegua sortzea soilik esan nahi; aberastasuna ezagutza modu bat ere bada eta berebiziko garrantzia dauka
ekonomia globalizatuen garai honetan.
Zentroak administrazio elektronikoarekin eta herritarrentzako zerbitzuekin zerikusia duten jarduera-lerroak edukiko ditu, eta, horretarako, teknologia berriz baliatuko da.
Egingo diren jardueran artean, honakoak sartzen dira: produktu berriak garatzea, ikertzea eta berrikuntzak egitea, ekitaldiak zabaltzeko eta antolatzeko ekintzak sustatzea eta prestakuntza-lanak eskaintzea (bekak eta masterrak).
Era berean, zentroan enpresen mintegia ere egongo da. Bertan, euren jarduerak garatu ahal izango dituzte, BiscayTIK proiektuaren arloan, edo proiektu berriei ekin, betiere, administrazio elektronikoarekin harremana badaukate.

PDF fitxategiaren deskarga BiscayTIK proiektuaren informazio guztiarekin.

PDF fitxategiaren deskarga BiscayTIK proiektuaren Zentro Teknologikoaren bista eta argazkiekin.

PDF fitxategiaren deskarga BiscayTIK proiektuaren Elkartegiaren bistekin.

BiscayTIK: teknologia-gunea eta enpresa elkartegia

noreply@blogger.com (Imanol Landa) — Tue, 16 Feb 2010 09:13:00 +0000

Teknologia-gunea

Egitasmo guztiz berritzailea eta bakarra da, Microsoft etxeari lehiaketa publiko bitartez 17,4 milioi eurotan eman diotena, eta bere helburuen artean daude herritarrei administrazioa hurbiltzea, komunikazio bide berri baten bidez, Interneten bidez, Bizkaiko udalen informatika-tresnak homogeneizatzea, udal horien barne kudeaketa eta herritarrekiko harremanak hobetezeko eta Bizkaiko nazioarteko erreferente bihurtzea udal administrazioan informazio eta ezagutza teknologien aplikazioari dagokionez.

Proiektuaren lehenengo ardatza posta elektronikoko zerbitzua herritarrentzat indarrean ezartzea izango da. Proiektuaren bigarren jarduera udaletarako informatika sistema bat abiaraztea da. Horren bidez, udalek kudeaketa integraleko sistema bakarra izango dute; sistemak herritarrei aukera emango die administrazioarekin harremanetan jartzeko, etxetik irten gabe.

eta enpresa mintegia

BiscayTIK proiektuak Teknologia-Gune berria garatuko du Bake Eder lursailean, nazioarteko lehen mailako etxe ezberdinen sostengua dela medio.

Gune honek biziraun ahal izateko behar bezainbat diru-sarrera sortuko ditu; horrez gainera, aberastasun gehigarria sortzen ahaleginduko da, ekonomikoa ala beste mota batekoa, -adibidez, ezagutzaren transmisioarekin loturikoa-, denboran zehar iraunkorra, eta Getxoko zein Bizkaiko pertsonen eta enpresa-ehunaren garapenerako lagungarria.

Getxok ekimen honetan Teknologia-Gunearekin ere kontatuko du, Areeta merkatuaren egungo kokalekuan eginiko eraikin berrian. Bertan instalatuko dira BiscayTIK proiektuaren inguruan sortzen diren enpresak.

Informazio gehiago: BiscayTIK

Getxo Antzokiari buruzko informazio bide berria jaio da

noreply@blogger.com (Imanol Landa) — Fri, 12 Feb 2010 08:06:00 +0000

Getxo berri bat sortzen hasi da, indartsua, bizia eta aukeren sortzailea, Udala bultzatzen ari den jarduerek eta proiektu ugarik eta baita udalez gaindiko gainontzeko erakundeekin batera aurrera eramaten ari direnek bultzatuta ere.
Getxo Antzoki berria, Romo Kultur Etxea, Biscaytik Zentro Teknologikoa, Maidaganen metroa lurperatzea, URA proiektua Gobela ibairako, Andra Marin ezintasunak
dituzten pertsonentzako Heziketa eta Agirien Gestiorako Zentroa edo Areetako azokan Enpresen Haztegia dira jadanik murgilduta gauden udalerriaren eraldatze eta modernizazio prozesuaren adierazle nagusienak eta horien emaitzak nabariago hurrengo urteotan ikusiko dira.
Prozesu horren buruan lehen mailako ekipamendua izango den Getxo Antzokia dugu, hain preziatua eta izen handikoa den Getxoko kultur eskaintza ospetsu bihurtzea ahalbidetuko duena eta arlo horretan gure udalerriak Bilbo Metropolitarreko eremuan Bizkaiko hiriburuaren baimenarekin duen lidergoa sendotuko duena.
Luis Maria Uriartek, egungo euskal arkitekto hoberenetarikoa denak gidatutako proiektu aparta da eta berak bere proposamen arkitektonikoan ekipamendu horren
egungo eta etorkizuneko beharretarako erantzunak ematen jakin du. Behar horiek gure herriaren errealitatea ondo ezagutzen duten kultur gestore nabarmenek aztertu eta zehaztu zituzten bere egunean.
Beraz Getxorako ezinbesteko proiektua da. Udalerriko elkarteen sarearen laguntza du eta gainera zalantzarik gabeko hirigintzako hobekuntzak ekarriko ditu, horien artean, plaza handiagoarekin herritarren gozamenerako eta oztopo arkitektoniko gutxiagorekin, etorkizunean izango den jardueraren dinamizazio ekonomikoa ahaztu gabe.
Proiektu funtsezko eta beharrezko hori aurrera ateratzeko murgilduta gaude eta bere garapenak duen konplexutasunagatik zailtasun batzuk ditu, bai egitura eraikitzeko berezitasunagatik eta zailtasunagatik bai lekutuko den inguruaren ezaugarriengatik.
Egoera hori gainditzeko helburuarekin, Gobernu Taldean komunikazio bide hurbila eta erregularra mantentzeko konpromisoa hartu genuen, gertuko auzokideekin zein herritar getxoztar guztiekin. Konpromiso horren ondorioz, eta martxan jarritako beste ekimen batzuen osagarri izaten, “Getxo Antzokia. Berriak” sortu da. Kaleratuko dugun informazio orria da eta sormenaren eta kulturaren garapenerako izango den gune bikain horren aurrerapenei buruzko informazio bide berri izatea nahi dugu.

PDF fitxategiaren deskarga Getxo Antzokiko informazio guztiarekin.

Uribe kostako hizkuntza ondarea jaso eta zabaltzeko lankidetza hitzarmenaren sinaduran

noreply@blogger.com (Imanol Landa) — Wed, 10 Feb 2010 11:11:00 +0000

Ekitaldi honetan Uribe Kostako Hizkuntza Ondarea Jaso eta zabaltzeko lankidetza hitzarmena sinatzeko bildu gara. Horretarako ,hain zuzen ere, gaur nirekin Juan Olea Mentxaka, Lemoizko Alkatea eta Uribe Kostako Zerbitzu Mankomunitatearen lehendakaria, Eneko Arruebarrena Elizondo, Leioako alkatea eta Joseba Goikuria Zarraga Erandioko alkatea, ditut mahaikide eta alde horretatik nire eskerrak adierazi nahi nizkioke.
Beraz, esan dudan moduan, agerraldi honetan gauden guztiak gure hizkuntza jaso eta zabaltzeari bultzada emateko asmoarekin bildu gara gaur, tokian tokiko garrantzi handia ematen diogulako.
Orain arte udalerri bakoitzean lan egin da esparru horretan eta orain batera jokatzeko une aproposa izan daitekeela uste dugu.
Hitzarmenarekin eskualdeko herri guztietan jasotako materiala bateratzea, kalitatea zaintzea eta guztiok erabili ahal izateko formatuan jartzeko beharra ikusi dugu. Hori dela eta egindako lanak herritarren artean zabaldu nahi dugu, produktu interesgarriak sortuz.
Produktu horiek, besteak beste, ondarea ezagutzera emateko, kultur interesa sortzeko eta ordezkatzen dugun ingurua hobeto ezagutzeko balio behar dute, hori da, azken batean, ekimen honekin honekin.
Hori dela eta helburu hauek zehaztuko ditu lankidetza-hitzarmenak:

-Datozen urteotan monografikoak egitea eta argitaratzea, ingurua eta historia hobeto ezagutzen laguntzeko. Alde horretatik beraz, Monografiek, gure esparru geografikoan gai bati buruzko jakintza-esparru oso bat hartuko dute.
-Bigarren helburua, jasotako materiala egoera txarrean dagoenean (esanahia galdutako abestiak, zentzu argirik gabeko esaldiak, funtzio didaktikoa galdu duten ipuinak...) berreraikitzea izango litzateke

Hitzarmena 2011ko abenduaren 31ra arte egongo da indarrean eta denboraldi honetarako hainbat zeregin ezarri dira, tartean:

*Herri bakoitzak aldez aurretik egin duen lana formatu bateratuan jartzea eta beste edozein erabilerarako sailkatzea.
*Monografia bi egitea: (bata ahozko tradizio errimatuari buruzko monografia eta bestea herri egutegiari eta Uribe kostako mitologiari buruzkoa).
*Hondatutako kultur adierazpenak berreskuratzea eta formatu literarioan jarri eta zabaltzea

Lan hauen aurrekontua 60.000 euro izatea aurreikusten delarik .
Beraz, gure euskararen alde lan egiteko, gure ondare lingistikoa babesteko eta ezagutarazteko, eskualdeko udalerri guztiak ahaleginak batu, estrategiak zehaztu eta guzti horretarako baliabideak jarri egingo ditugu.
Orain, inoiz baino gehiago, denak norabide berdinean arraun egin behar dugulako, dudarik gabe.

Zorionak 11!

noreply@blogger.com (Imanol Landa) — Tue, 09 Feb 2010 12:12:00 +0000

Zorionak hamaika telebista!
hamaika betetzeko bidean…laster

Asteburuko beharra Sabino Arana Fundazioaren sari banaketarekin amaituz

noreply@blogger.com (Imanol Landa) — Mon, 01 Feb 2010 13:04:00 +0000

Aurreko astea gogorra izan bazen lanaren aldetik, asteburua ez zen atzean gelditu eta horrela, ostiraleko osoko bilkuran Getxo Antzokiaren eztabaida jarri bazen mahai gainean (auzokideak ere bertan agertu zirelarik) zapatuan Gobela ibaiak berriz bere protagonismoa berreskuratu zuen eurite indartsuak zirela eta. Azkenean gauzak ez ziren gehiago okertu eta beraz igandean Arriaga Antzokiann egoteko aukera eduki nuen, Sabino Arana Fundazioak urtero ematen dituen sari banaketan hain zuzen.

Ekitaldi benetan unkigarria, Ibarretxe Lehendakariak eta ETAk erahildako Uria enpresariaren, Altuna-Uria erainkuntza enpresaren zuzendariek botatako hitzen ondorioz batez be. Bertan egon ginen guztien txalo, babesa eta beroa jaso zituzten biak, dudarik gabe, euskal gizartearen babesa eta laguntza daukatelako ere.

Aipatzeko ere noski Manuel Ekin Patarrollo ikertzaile kolonbiarraren hitzak. Guztiek besteen errekonozimendua jasotzeko lan egiten dugula esan zuen berak. Beharrezkoa dugula.Ez da gutxi, azken batean aberastasun pertsonala alde batera utziz malariaren bakunan lortu zituen emaitzak dohainik eskeini zituen ikertzailearen ahotik baldin badator iradokizuna.

Azkenean, euskal arrantzaleen ordezkariek ere egi borobilak bota zituzten, euskal gizarteari eskerrak eman ondoren. Bertan zegoen Lopez Lehendakariaren ordezkariren bat, Bermeoko Kofradiaren Presidenteak hitza hartu zuenean momentu txarrak pasa zituela komentatu zidaten. Ulergarria guztiz, bizkaiko kostaldeko euskara erabil zuen Iñaki Zabalak eta den dena ulertu zitzaion.

Edozein kasutan ezin ahaztu, Inma Shara (Inmaculada Saratxaga) orkestra zuzendari prestigiotsua den euskal emakume gaztearen eskerrak, bere euskaltasuna arroz azpimarratuz, ezta ere Errealeko presidentearena, bere taldearen ehunurterrena goraipatuz.

Zorionak beraz Sabino Arana Fundazioari!. Aurten ere emandako sariekin berriz asmatu dute, dudarik gabe.

Getxo Antzokia eta Telefonicaren eraikuntza

noreply@blogger.com (Imanol Landa) — Thu, 28 Jan 2010 11:34:00 +0000

Gobela ibaiaren obrak Eusko Jaurlaritzak (URA) hasi ditu

noreply@blogger.com (Imanol Landa) — Tue, 26 Jan 2010 20:09:00 +0000

Algortako Iturgitxi parke berria

noreply@blogger.com (Imanol Landa) — Thu, 21 Jan 2010 10:53:00 +0000

Egunsentia haurreskola ETBn

noreply@blogger.com (Imanol Landa) — Mon, 18 Jan 2010 11:51:00 +0000

Egia esanda, ez nuen espero TELEBERRIn agertzea, baina ala izan zen. Gure "Egunsentia" haur-eskolari buruzko berria, astelehenekoan eman zutela esan zidaten eta bertan hemen dozuen elkarrizketaren zati txiki bat ere agertu zen. Poztekoa benetan, zoritzarrez euskal telebistan Getxori buruzko berri onak ez dute sarritan ematen. Beraz ala denean azpimarratzekoa da. Ea horrrela jarraitzen baduten.

Algortako batzokiaren webgune berriari ongi etorria!

noreply@blogger.com (Imanol Landa) — Mon, 18 Jan 2010 08:21:00 +0000

Informazio gehiago: http://algortakobatzokia.wordpress.com

Hor dozue, prest bere ibilbidea hasteko. Ongi etorriak izan zaitezte sarera eta animo webgunea elikatzeko momentuan. Ah! irudia asko gustatzen zait. Zorionak eta aurrera!

Umeentzako joku egokituak Areetan

noreply@blogger.com (Imanol Landa) — Fri, 15 Jan 2010 15:32:00 +0000

2010 Getxo sasoi-sasoiaren aurkezpena

noreply@blogger.com (Imanol Landa) — Thu, 14 Jan 2010 12:34:00 +0000

220.000€ baino gehiago kultur eta gazteen elkarteei emateko eta euskara sustatzeko dirulaguntzatarako

noreply@blogger.com (Imanol Landa) — Wed, 13 Jan 2010 12:49:00 +0000

2010eko aurrekontuak aurkeztu nituenean, argi eta garbi adierazi nuen: elkarte sareari bideratzen dizkiogun laguntzak mantendu egingo dira, aurrekontuen aldetik egoera zaila izan arren. Beraz, aurreko astean kirol esparruan egin genuen bezala, orain kultura, euskara eta gazteen txanda ailegatu da.

223.000€ zuzendu ditugu 2010ean kultur eta gazte elkarteei emateko eta euskararen erabilera sustatzeko dirulaguntzatarako. Lehenengoetarako 105.000€ onartu ditugu; bigarrenetarako 28.000€ eta hirugarrena atalerako 90.000€, guztiak Toki Gobernu Batzarrean hartutako erabakien bitartez.

Beraz kultur eta gazte elkarteek eskaera aurkezteko epea otsailaren 14ra arte edukiko dute zabalik eta euskara sustatzeko jardueratarako epea urte osoan egongo da. Eskaerak Udaletxeko Erregistro Orokorrean eta Herritarrak artatzeko Romoko, Algortako eta Andra Mariko Bulegoetan aurkeztu beharko dituzte interesatuek.

Deialdiaren oinarriak www.getxo.net web gunean daude ikusgai.

Kultur elkarteak
Dirulaguntzak 2010.urtean elkarteek beren jarduerak aurrera eramateko edukitzen dituzten gastuak eta ohiko gastuak (lokalen alokatzea, argi-indarra, telefonoa...) ordaintzeko izango dira. Dirulaguntzak erabakitzeko honako hauek hartuko dituzte kontuan: erakundea Getxon zenbateraino dagoen sustraituta, burutzekoa den proiektuak udalerriko kultur ingurumenean duen garrantzia, jardueraren originaltasuna eta egokitasuna, programen kalitatea, bestelako finantzabideak lortzeko zailtasuna, antolamendu eta ekonomia-mailako ahalegina, gizon eta emakumeen arteko aukera berdintasuna eta hizkuntza normalizazio eta kultur artekotasunaren aldeko irizpideak kontuan hartu izana...

Gazte elkarteak

Dirulaguntzak elkarte hartzaileek 2010ean beren ohiko jardueren programa aurrera eramateko izango dira eta taldeak 30 urtetik beherako gazteek osatuta egon beharko dira edo bestela beren proiektuak 5 eta 30 urte bitartekoei zuzendu behar dizkiete.
Dirulaguntza jasoko duten jarduerak honako hauek izango dira: gazteen partehartzea eta elkartegintza sustatzeko jarduerak, animazio soziokulturaleko programak, aisialdiko jarduera hezigarriak, gazteen sormenarekin eta kulturarekin lotutako jarduerak, gazteen intereseko erakundeak kudeatzeko trebakuntza eta aholkularitza jarduerak eta oro har, Udaleko Gazteria Zerbitzuaren eremuan sartzen diren proiektu guztiak.
Dirulaguntzak emateko irizpidetako batzuk kultur elkarteei emateko berberak dira baina kasu honetan talde ekintzaileko partaideak ez diren 12 eta 17 urte bitarteko gazteei zuzendutako jarduerak ere kontuan hartuko dituzte; edo bazterketan erortzeko arriskua duten gazteei zuzendutakoak edo proiektuan gazteen parte hartzea kontuan hartzeaz gain.

Euskara sustatzeko

Bi dirulaguntza mota daude. Alde batetik hizkuntza gaitasuna areagotzeko eta bestetik, euskararen erabilera errazteko. Lehenengo kasuan dirulaguntzak euskara ikasteko, familia giroan euskara sustatzeko, udaletxeko eta bere erakunde autonomoetako langileek ikasteko eta elkarteetako begiraleek ikasteko izango dira. Bigarren kasuan, bekak begirale eta zuzendari agiria lortzeko, UEUko ikastaroetarako, komertzioen errotuluak ipintzeko, elkarteen irudia euskaratzeko, itzulpen zerbitzurako eta aldibereko interpretazio eta itzulpen zerbitzurako dira.

83 getxoztar langabetu kontratatuak udalak 58 enpresei emandako dirulaguntzekin

noreply@blogger.com (Imanol Landa) — Fri, 08 Jan 2010 13:01:00 +0000